სამცხე–ჯავახეთში ადგილობრივები ფაროსანას გავრცელებაზე საუბრობენ

"სამხრეთის კარიბჭეს" ფეისბუქის გვერდზე სტატიას ასზე მეტი კომენტარი აქვს. ადგილობრივები ახალციხიდან, ასპინძიდან, ადიგენიდან და ბორჯომიდან წერენ, რომ მათ ბაღებსა და სახლებში ფაროსანა ბოლო დროს ძალიან გამრავლდა.

"ყოველდღე ვხოცავ, სარეცხი ისე ვეღარ შემიტანია, თუ არ დავფერთხე, შეიძლება ერთ მაისურში ორი–სამი მაინც იყოს. შემოსევაა ნამდვილად სახლშიც ბევრი მხვდება",– წერს ადიგენიდან მედი ზაზაძე.

"ფანჯარა ვერ გამიღია, მაგრამ ისედაც კარგად ძვრებიან სახლში, მზე უყვართ და ფანჯრებზე მოდიან. ერთი კვირაა მაგათ დავსდევ.... სარეცხსაც მოყვებიან", – წერენ ბორჯომიდან.







სურსათის ეროვნულ სააგენტოში ირწმუნებიან, რომ სამცხე–ჯავახეთში აზიური ფაროსანას სამეურნეო კულტურები არ დაუზიანებია. უწყების ინფორმაციით, მწერი რეგიონში გავრცელებული არ არის: "აზიური ფაროსანას ერთეული ინდივიდი შეიძლება ყველგან დაფიქსირდეს, თუმცა ფაქტია, რომ სამცხე–ჯავახეთში სასოფლო-სამეურნეო კულტურების დაზიანებას ადგილი არ ჰქონია. ამ კონკრეტულ შემთხვევაში, სპეციალისტები კიდევ შეისწავლიან ყველგან და მოხდება იდენტიფიცირება".

[ლუბა გიორგაძე, ახალციხე]