კლდეში მცხოვრებლები ამბობენ, რომ სოფელში ფაროსანა გავრცელდა

სოფელ კლდეში მცხოვრებლები ამბობენ, რომ კვირაზე მეტია აზიური ფაროსანა ეზოებიდან სახლებში შევიდა.

„გარეთ ეზოში ძალიან ბევრია, მაგრამ უკევ სახლშიც შემოვიდა, გარეთ გაფენილ სარეცხს მოყვება“, – ამბობს სოფელ კლდის მკვიდრი მაგდა კიბორძალიძე.

სურსათის ეროვნულ სააგენტოში აცხადებენ, რომ სამცხე–ჯავახეთში აზიური ფაროსანა არ ფიქსირდება: „ის რაზეც ადგილბორივები ჩივიან, ჰგავს ფაროსანას, თუცა ის არის ე.წ.ბალახის ბაღლინჯო, რომელიც სამცხე–ჯავახეთში მასიურადაა გავრცელებული. შესაძლოა, გარკვეულ ადგილებში იყოს ფაროსანას ჯგუფის მწერები, რომლებიც აზიური ფაროსანა არ არის და არც ხეხილს ანადგურებს. თუმცა ამ სოფელში ვითარებას აუცილებლად მოვიკვლევთ“.





[ლუბა გიორგაძე, ახალციხე]