ჭორვილაში მამაკაცმა 3 ადამიანი დანით დაჭრა

ინფორმაციას საქართველოს შინაგან საქმეთა სამინისტრო ავრცელებს.

შინაგან საქმეთა სამინისტროს იმერეთის რაჭა-ლეჩხუმისა და ქვემო სვანეთის სამხარეო მთავარი სამმართველოს, ჭიათურის რაიონული სამმართველოს და საჩხერის რაიონული სამმართველოს თანამშრომლებმა, ცხელ კვალზე ერთობლივად ჩატარებული სპეციალური ოპერატიული ღონისძიების შედეგად, განზრახ მკვლელობის მცდელობის ბრალდებით, 1990 წელს დაბადებული ვალერი ჩ. დააკავეს.
დაკავებული დანაშაულს აღიარებს.

გამოძიებით დადგინდა, რომ ბრალდებულმა მიმდინარე წლის 6 ივლისს, საჩხერის რ-ნის სოფელ ჭორვილაში ცივი იარაღის გამოყენებით დაჭრა სამი მოქალაქე, მათ შორის სასულიერო პირი.

დაშავებულებს სხეულის სხვადასხვა მიდამოში მრავლობითი ნაკვეთი ჭრილობები აღენიშნებათ. სამივე მათგანი საჩხერის რაიონულ საავადმყოფოშია მოთავსებული.

გამოძიება დამამძიმებელ გარემოებებში განზრახ მკვლელობის მცდელობის ფაქტზე მიმდინარეობს (სსსკ-ს 19-109-ე მუხლი).

[ნინო ნარიმანიშვილი, ახალციხე]