ასპინძაში შსს–მ განზრახ მკვლელობის ბრალდებით ერთი პირი დააკავა

შინაგან საქმეთა სამინისტრო ასპინძაში, ნიალის მთაში გარდაცვლილი მამაკაცის შესახებ განცხადებას ავრცელებს:

შს სამინისტროს სამცხე-ჯავახეთის პოლიციის დეპარტამენტის თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1990 წელს დაბადებული ი.ს. განზრახ მკვლელობის ბრალდებით დააკავეს.

მის მიერ ჩადენილი დანაშაული 7-დან 15 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ ბრალდებულმა მიმდინარე წლის 14 იანვარს ასპინძის მუნიციპალიტეტის სოფელ ნიალაში, ურთიერთშელაპარაკების ნიადაგზე, ცივი იარაღით სასიკვდილო ჭრილობა მიაყენა 1971 წელს დაბადებულ გ.გ-ს, რომელიც საავადმყოფოში მიყვანამდე გარდაიცვალა. სამართალდამცველებმა ი.ს. მომხდარიდან ერთ საათში, ცხელ კვალზე, ასპინძის მუნიციპალიტეტის სოფელ ნიალაში დააკავეს. პოლიციამ დანაშაულის ჩადენის იარაღი - დანა შემთხვევის ადგილიდან ნივთმტკიცებად ამოიღო. დაკავებული ჩადენილ დანაშაულს აღიარებს.

გამოძიება შინაგან საქმეთა სამინისტროს სამცხე-ჯავახეთის პოლიციის დეპარტამენტის დეტექტივების სამმართველომ ჯანმრთელობის განზრახ მძიმე დაზიანების ფაქტზე დაიწყო, საქართველოს სსკ-ს 117-ე მუხლის 1-ლი ნაწილით დაიწყო.

[sknews.ge]