ბორჯომის მერიას 10 ახალი თანამშრომელი ჰყავს

11 პოზიციაზე გამოცხადებულ კონკურსში, ბორჯომის მერიამ, ოთხი სპეციალისტი, ოთხი სამსახურის ხელმძღვანელი და ორ ადმინისტრაციულ ერთეულში მერის წარმომადგენლები შეარჩია. ერთი პოზიცია კი – მერის წარმოამდგენელი სოფელ ტაბაწყურის ადმინისტრაიცულ ერთეულში, ვაკანტური დარჩა.

„ტაბაწყურის ადმინისტრაიცულ ერთეულში კონკურსი თავიდანვე ჩაიშალა. უმაღლეს განათლებას ითხოვდნენ და შემოტანილი განაცხადების მიხედვით ამ მოთხოვნას ვერავინ აკმაყოფილებდა. ამ პოზიციაზე კონკურსი ხელახლა გამოცხადდება“, – გვითხრეს ბორჯომის მუნიციპალიტეტის მერიის საზოგადოებასთან ურთიერთობის სამსახურში.

საკონკურსო კომისიამ 113 განაცხადიდან 25 შეარჩია. გასაუბრება კონკურსანტებთან სამ სექტემბერს გაიმართა.

[მარიამ ბარძიმაძე, ბორჯომი]