„ქართულ ოცნებას“ საპრეზიდენტო არჩევნებში კანდიდატი არ ეყოლება

„მსჯელობის შედეგად მიღებულ იქნა პრინციპული გადაწყვეტილება, რომ "ქართული ოცნება" არ წარადგენს კანდიდატს საპრეზიდენტო არჩევნებზე. ამის მიზეზი ის არის, რომ საქართველო არის საპარლამენტო მმართველობის რესპუბლიკა, ამ სისტემაში პრეზიდენტს არ აქვს პოლიტიკური ლეგიტიმაცია და ეკისრება მხოლოდ წარმომადგენლობითი ფუნქციები. პრეზიდენტის პოსტზე პარტიული კანდიდატის არჩევის პირობებში მას გაუჭირდება პოლიტიკური ნეიტრალიტეტის შენარჩუნება. ჩვენი კანდიდატის არჩევა არასასურველია იმ პირობებში, როდესაც „ქართული ოცნება“ სრული უმრავლესობით არის წარმოდგენილი პარლამენტში, მთავრობაში და თვითმმართველობაში და ფლობს ბერკეტებს, ყოველივე ამის გათვალისწინებით ჩვენ უარს ვამბობთ, არჩევნებში კანდიდატის წარდგენაზე“, – განაცხადა ბრიფინგზე საქართველოს პარლამენტის თავმჯდომარემ ირაკლი კობახიძემ.

მისივე თქმით, დამოუკიდებელ კანდიდატს მხარს მას შემდეგ დაუჭერენ, რაც ყველა კანდიდატი წარადგენს თავს: "ჩვენ ხმას დავუჭერთ რომელიმე უპარტიო და დამოუკიდებელ კანდიდატს. ამის თაობაზე ჩამოყალიბდება ჩვენი პოზიცია მას შემდეგ, რაც გადავხედავთ სრულ სპექტს იმ კანდიდატებისა, რომელიც დაასახელებენ კანდიდატურას"

[sknews.ge]