სამცხე–ჯავახეთში მუსიკალური ტურნე ‘პიანინო’ მოეწყობა

დავით ალადაშვილი, ორი კვირის განმავლობაში, მოძრავ სცენაზე დამონტაჟებული პიანინოთი მთელს საქართველოში იმოგზაურებს და 50-მდე კონცერტს ჩაატარებს.

მოძრავი სცენა დიდ წითელ მანქანაზეა დამონტაჟებული. მას პიანისტი წინასწარ შერჩეულ ადგილებზე გაშლის და კონცერტებს ღია ცის ქვეშ გამართავს.

ალადაშვილი სამცხე–ჯავახეთს 1 სექტემბერს ეწვევა. პირველი კონცერტი 12:00 საათზე ახალციხის ციხეზე გაიმართება, 16:00 საათზე ახალქალაქში, 21:00 საათზე ვარძიაში და 22:00 საათზე სასტუმრო „ვარძია რეზორტში“.

ტურნეს მიზანია ხალხში კლასიკური მუსიკის პოპულარიზაცია. ღონისძიებები 27 აგვისტოდან 8 სექტემბრის ჩათვლით ჩატარდება.
ტურნეს კომპანია „ახალგაზრდები ახალგაზრდებისთვის“ „მაგთის“ მხარდაჭერით აწყობს.

[მარიამ ბარძიმაძე, ახალციხე]