დავით ბაქრაძე აწყურისა და ხიზაბავრის მოსახლეობას შეხვდა

დავით ბაქრაძე ახალციხის სოფელ აწყურში იმყოფებოდა, სადაც პრეზიდენტობის კანდიდატი პენსიონერებს შეხვდა და მათ პრობლემებს გაეცნო.

პარტიის ინფორმაციით, შეხვედრისას ადგილობრივებმა ყურადღება მძიმე ეკონომიკურ და სოციალურ ფონზე გაამახვილეს და განაცხადეს, რომ მათი ერთადერთი შემოსავალი პენსიაა,რომელიც მედიკამენეტნებისა და საყოფაცხოვრებო პროდუქტის შესაძენად არ ყოფნით.

ბაქრაძემ პენსიონერებს საკუთარი პროგრამის ის მიმართულება გააცნო, რომელიც პენსიის 50 ლარით გაზრდას ითვალისწინებს – "ქვეყანაში არის 700 ათასი ადამიანი, რომლის არსებობაც დამოკიდებულია პენსიაზე და პენიონერისთვის შეიძლება 50 ლარით გაზრდილი პენსია გადამწყვეტი აღმოჩნდეს, იმ წამლის საყიდლად, რომელმაც შეიძლება გადარჩინოს მისი სიცოცხლე".

აწყურის შემდეგ პრეზიდენტობის კანდიდატი ასპინძის სოფელ ხიზაბავრის მოსახლეობას შეხვდა. შეხვედრაზე ადგილობრივებმა სასოფლო–სამურნეო ტექნიკის სიმცირეზე ისაუბრეს. მათი თქმით, ამის გამო მოსახლეობას მოსავლის აღება უჭირს.

"ქართულ სოფელ დღეს ბევრი პრობლემა აწუხებს და პრეზიდენტის ერთ–ერთი პრიორიტეტი სწორედ ფერმერების, გლეხების დახმარება უნდა იყოს", – აღნიშნა ბაქრაძემ.

წინასაარჩევნო კამპანიის ფარგლებში, დღეს, 29 აგვისტოს, ქალაქ ახალციხესა და მუნიციპალიტეტის სოფლებში "ევროპული საქართველოს" ე.წ. მოძრავი შტაბი ჩამოვა, რომლის მეშვეობითაც, პარტია ადგილობრივებს საკუთარი მუშაობის გეგმას გააცნობს, მოსახლეობას კი საშუალება ექნება მათთვის პრობლემური საკითხების შესახებ, პარტიის წევრებს მიმართოს.




[sknews.ge]