„ქართული ოცნების“ აქცია თბილისში

მხარდამჭერებმა მსვლელობა პირველ საათზე სამი სხვადასხვა ადგილიდან: ავლაბრის მეტროდან, ვაკის პარკიდან და დინამოს სტადიონიდან დაიწყეს.

15:40 საათზე აქციას ბიძინა და ბერა ივანიშვილები შეუერთდნენ. იქამდე მხარდამჭერებს ნინელი ჭანკვეტაძემ მიმართა.

_ „ბატონი ბიძინა შეგვპირდა, რომ ხელისუფლებაში მოიყვანს ისეთ ადამიანებს, რომლებსაც სამშობლო უფრო ეყვარებათ, ვიდრე სკამები და ძალაუფლება... გუშინ მიხეილ სააკაშვილი ტყუილ დაპირებებს აძლევდა ხალხს, დღევანდელმა დღემ კი დაამტკიცა, რომ მისი არავის სჯერა. ჩვენ ვერ ჩაგვრეცხეს, ვერ გვაქციეს მუმიებად! _ მიმართა შეკრებილებს ნინელი ჭანკვეტაძემ.

ბიძინა ივანიშვილს ნატო მეტონიძე საქართველოს ჰიმნით შეეგება. აქციაზე ჰიმნის ავტორი დავიტ მაღრაძეც იმყოფება, რომელმაც ასევე მიმართა შეკრებილებს.

მას შემდეგ, რაც ბიძინა ივანიშვილი შეკრებილებს მიესალმა და განაცხადა, რომ ერთად აუცილებლად გაიმარჯვებენ, სცენაზე ბერა ივანიშვილი ავიდა.

ამის შედეგ თავისუფლების მოედანზე ისმოდა „მრავალჯამიერი“ და “ჩემო კარგო ქვეყანავ“. ამ წუთებში კი სრულდება „სიმღერა თბილისქალაქზე„.

[რუსკა მამასახლისი, თბილისი]