დაბა ასპინძაში ტურისტული ინფრასტრუქტურა ეწყობა

ასპინძის მუნიციპალიტეტის მერიის ინფორმაციით, დაბაში ტურისტული ინფრასტრუქტურის მოწყობა მიმდინარეობს.

პროექტის მიხედვით, ასპინძის ომის მემორიალის გარშემო და ვარძიის ქუჩაზე არსებული დეკორატიული კედლების რეაბილიტაცია და განათების მოწყობა მოხდება.

პროექტის ფარგლებში, ახლა ვარძიისა და მეფე თამარის ქუჩების დამაკავშირებელი კიბეებისა და ეგრეთწოდებული პავილიონის ფასადის სარეაბილიტაციო სამუშაოები მიმდინარეობს.

ასპინძის მერიის ინფორმაციით, პროექტს ტენდერში გამარჯვებული სამშენებლო კომპანია სს ,,XXI საუკუნე“ ახორციელებს.



[sknews.ge]