ახალქალაქში 'ჯივანის' დღესასწაული გაიმართა [Photo]

"ჯივანის" იგივე სერობ სტეფანის ძე ლევონიანის სახელობის დღესასწაული ახალქალაქის სოფელ კარწახში 7 ივლისს გაიმართა.
აშუღის სახლ-მუზეუმთან შესრულდა მუსიკალური და ქორეოგრაფიული ნომრები, ტრადიციული წესით გამოაცხვეს სომხური ლავაში და გაიმართა ადგილობრივი ნაწარმის გამოფენა-გაყიდვა.

ადგილობრივი თითმმართველობის ინფორმაციით, ღონისძიებიდან შემოსული თანხა "ჯივანის" სახელობის მუზეუმის კეთილმოწყობას მოხმარდება.

"ჯივანი" (1846-1901წწ.) - გამოჩენილი სომეხი პოეტის, მუსიკოსის, აშუღის სერობ სტეფანეს ძე ლევონიანის ფსევდონიმია. იგი სოფელ კარწახში გლეხის ოჯახში დაიბადა. 8 წლის ასაკში დაობლდა და იზრდებოდა ბიძის ოჯახში. სოფელში გამოჩენილ ოსტატ გარა-გაზართან დაეუფლა მუსიკალურ ხელოვნებას - ვიოლინოზე დაკვრას და ხალხური სიმღერების შესრულებას. მოგვიანებით 1866 წელს სოფელ კარწახში ჩამოვიდა ახალგაზრდა აშუღი საზანი (აგაჯიანი). მასთან ერთად „ჯივანი“ თბილისში გადავიდა, სადაც აშუღის საქმიანობა დაიწყო. 1868 წლიდან 1895 წლამდე, ალექსანდროპოლში (გიუმრი) გააგრძელა მოღვაწეობა.

"ჯივანი" თბილისში სომეხ მოღვაწეთა პანთეონშია დაკრძალული.













[sknews.ge]