ფაშინიანი ფოკაში: ‘სომხეთსა და საქართველოს შორის ურთიერთობები უნდა გაღრმავდეს’

ნიკოლ ფაშინიანის თქმით, მას ვიდრე ფოკაში ჩავიდოდა, საქართველოს პრემიერ მინისტრთან და პრეზიდენტთან ნაყოფიერი შეხვედრები ჰქონდა: „სომხეთს საქართველოს მიმართ ცუდი მიზნები არ აქვს, ეს უნდა იცოდნენ ქვეყნის პირველმა პირებმა. სომხეთსა და საქართველოს შორის ურთიერთობები უნდა გაღრმავდეს“.

პრემიერ–მინისტრმა გამოსვლაში ყურადღება ქვეყანაში არსებულ მძიმე სოციალურ ფონზეც გაამახვილა: „დარწმუნებული ვარ, რომ იმ სოციალურ პრობლემებს, რომლებიც ჯავახეთის სოფლებშია ერთად დავძლევთ. ამისთვის ყველამ ერთად უნდა ვიმუშაოთ“.

ფაშინიანმა ფოკაში სიტყვით გამოსვლისას მიგრაციაზეც ისაუბრა: „ჩვენ გვინდა, რომ სომხეთში მიგრაცია არ იყოს და ხალხი ქვეყნიდან სხვაგან არ წავიდეს. დარწმუნებული ვარ, რომ საქართველოშიც იგივეს ფიქრობენ და აქაც სურთ, რომ ჯავახეთი ადგილობრივებმა არ დატოვონ“.
ფაშინიანმა ფოკაში შვიდი წუთი დაყო. იგი აქედან მოსახლეობასთან შესახვედრად სოფელ განძაში გაემართა.

შეგახსენებთ, რომ ფაშინიანი საქართველოში ოფიციალური ვიზიტით გუშინ, 30 მაისს ჩამოვიდა.





[sknews.ge]