სოფიო შევჩენკოს სარჩელს სააპელაციო სასამართლო განიხილავს

მეორე ინსტანციის სასამართლოში ჯერ სხდომა არ ჩანიშნულა.

სოფიო შევჩენკო სააპელაციოში ახალციხის რაიონული სასამართლოს მიერ მიღებული გადაწყვეტილების ბათილად ცნობას ითხოვს. რაიონულმა სასამართლომ შევჩენკოს სარჩელი, იძულებით განაცდურის ანაზღაურებასა და სამსახურში აღდგენაზე არ დააკმაყოფილა.

შეგახსენებთ, რომ სოფიო შევჩენკო თემისა და ქალაქის გაერთიანების შემდეგ, სამსახურიდან გათვისუფლებული მესამე თანამშრომელია, რომელმაც სასამართლოში იჩივლა.

ახალციხის საკრებულოს, მობილობის წესის დარღვევას ედავებოდა ორი ყოფილი თანამშრომელი: ეკა ტატალაშვილი და თეა ბაღდოშვილი, რომლებმაც საქმე პირველი ინსტანციის სასამართლოში მოიგეს. სასამართლომ საკრებულოს მათი სამსახურში აღდგენა და იძულებით განაცდურის ანაზღაურება დაავალა, თუმცა, საკრებულომ საქმე გაასაჩივრა და დავა ახლა სააპელაციოში გრძელდება.

სოფიო შევჩენკოს კი ახალციხის რაიონულმა სასამართლომ სარჩელი არ დაუკმაყოფილა, რაც იმით ახსნა, რომ მერიაში შტატები შემცირდა და მას, თანამშრომლების შემცირებაც მოყვებოდა.

[ლუბა გიორგაძე, ახალციხე]