რა ფართობი მოიხნა ბარათებით ახალციხეში

ახალციხის მუნიციპალიტეტის სოფლების რწმუნებულებმა გამგეობას დამუშავებული მიწის ფართობებისა და დათესილი კულტურების შესახებ მონაცემები წარუდგინეს.

სპეციალურ ბართებში რწმუნებულებს ის მონაცემები უნდა შეეტანათ თუ რა ფართობი დაიხნა გასულ წელთან შედარებით წელს მათ სოფლებში და დამუშავებულ მიწაზე ძირითადად რომელი კულტურები დაითესა.

მათ აღნიშნული დავალების შესასრულებლად 10 დღე ჰქონდათ.

”ბართები უკვე ჩამოვიტანეთ. მოსახლეობამ წელს დიდი ხნის დაუმუშავებელი მიწებიც დაამუშავა”,- ამბობენ რწმუნებულები.

ახალციხის მუნიციპალიტეტის გამგეობის სოფლის მეურნეობის სამსახურის ინფორმაციით ახალციხის მუნიციპალიტეტში წელს 4 335 ჰექტარი მიწის ფართობი დამუშავდა. აქედან 509 ჰექტარი ბარათების მეშვეობით დაიხნა.

გლეხებმა როგორც წინა წლებში ისე წელსაც ძირითადად კარტოფილის, სიმინდის, ქერის და ხორბალის დათესვა ამჯობინეს. ყველაზე მეტი მაინც კარტოფილი დაითესა.

’’ახალციხის მუნიციპალიტეტში წელს კარტოფილი 2 067 ჰექტარზე დაითესა. რაც შეეხება დანარჩენ კულტურებს მოსახლეობამ ცოტ-ცოტა ყველაფერი დათესა”, - ამბობს ახალციხის მუნიციპალიტეტის გამგებლის მოადგილე სოფლის მეურნეობის დარგში აშოტ მანასიანი.

მისი განცხადებით დამუშავებული მიწების რაოდენობა სოფლის მეურნეობის ვაუჩერმა გაზარდა: ”მოსახლეობამ ვაუჩერის მეშვეობით წლობით მიტოვებული მიწები დახნა. გლეხებს საშუალება ჰქონდათ, რომ ვაუჩერით სათესლე მასალა და შესაწამლი პრეპარატებიც ეყიდათ”.

ახალციხის მუნიციპალიტეტის გამგეობის სოფლის მეურნეობის სამსახურში აცხადებენ, რომ სოფლის-მეურეობის ბარათებმა გაამართლა.

[მანანა სარაშვილი, ახალციხე]