ზაზა ჩაჩანიძე: ხელფასების საკითხი არ გადაწყვეტილა და ამაზე ერთ კვირაში ვიმსჯელებთ [Video]

მთავარი → სიახლე 01.03.2018

ბორჯომის საკრებულოს თავმჯდომარის ზაზა ჩაჩანიძის განმარტებით, დღევანდელ სხდომაზე 29 საკითხი გავიდა, 30–ე, ხელფასების საკითხი არ დამტკიცებულა და ამ საკითხზე სამსაჯელოდ ერთ კვირაში რიგგარეშე სხდომა დაინიშნება.

14–საათიანი ხმაურისა და შენობის პარალიზების შემდეგ, ზაზა ჩაჩანიძემ, გვიან ღამით, 02:30 საათზე, მედიასთან პირველი ოფიციალური კომენატარი გააკეთა. მისი თქმით, საღამოს გამართული სხდომა, სადაც მხოლოდ ხელფასების საკითხი განიხილეს, არალეგიტიმურია. ამიტომ, ა საკითხზე განმეორებით უნდა იმსჯელლონ.

ჩაჩანიძე საბოტაჟის თემასაც შეეხო.

"რაც შეეხება საბოტაჟს, ხვალ აპირებენ გააჩერონ დასუფთავების მანქანები, საბავშვო ბაღები და თქვენ თვითონ დაფიქრდით, ვინ აწყობს საბოტაჟს. რა არის მიუღებელი, თუ ხელფასების კლებით დაეზოგება რაიონს", – განაცადა ზაზა ჩაჩანიძემ.

რაც შეეხება ნიკა მელიასთან თანამშრომლობას, ზაზა ჩაჩანიძემ განაცხადა, რომ ის მას არ იცნობს და როგორც ჩანს, მელია მისი თანაგუნდელების მხარდასაჭერად ჩამოვიდა.

რაც შეეხება ოქმზე ხელის მოწერას, ჩაჩანიძე ამბობს, რომ მასში ჩაიწერება, რომ 29 საკითხი დამტკიცდა, ერთი არა და ამ ოქმს ხვალ მოეწერება ხელი.

ამ დროისათვის ბორჯომის მერიაში შესასვლელლი ნაწილობრივ გახსნეს და თანამშრომლები ტოვებენ შენობას.

აქვე, შეგახსნებთ, რომ დღეს 14 საათზე მეტხანს იყო ქაოსი და პარალიზებული იყო ბორჯომის თვითმმართელობის მუშაობა. "ქართულმა ოცნებამ" კი განაცხადა, რომ ხვალიდან აქციბს იწყებს.

[sknews.ge]