ბორჯომში ნიკა მელია ჩავიდა – შენობაში ჩხუბია, საკრებულოს თავმჯდომარე ისევ ჩაკეტილია [Video]

ნიკა მელიას შენობაში გამოჩენას ხმაური მოჰყვა. "სამხრეთის კარიბჭე" ფაქტს არ შესწრებია, თუმცა, როგორც თვითმხილველებმა გვითხრეს, შენობაში შესულ მელიას მერიის თანამშრომლებმა ცოცხები ესროლეს. გარდა ამისა, მას მოუწოდებდნენ, რომ არ ჰქონდა შენობაში ყოფნის უფლება და დაეტოვებინა შენობა.

ნიკა მელიამ სცადა შესულიყო საკრებულოს თავმჯდომარის კაბინეტში, მაგრამ არ მისცეს საშუალება და დაიწყო ფიზიკური დაპირისპირება, ძნელად ჩანდა ვინ ვის ურტყამდა.



ნიკა მელია აცხადებს, რომ ბორჯომში ზაზა ჩაჩანიძის მხარდასაჭერად ჩავიდა. იგი საკრებულოს ფოიეში მსხდომ მერიის თანამშრომლებს მოუწოდებს გაათავისუფლონ თავმჯდომარის კაბინეტის შესასვლელი

"ეს არის უმსგავსო საქციელი და ბოლომდე ვიგბრძოლებ, რომ ეს იქნეს აღკვეთილი", – განაცხადა ნიკა მელიამ.



ბორჯომის მერის წარმომადგეელი ბაკურიანში, გოჩა გობრონიძე ამბობს, რომ მას ნიკა მელიამ დაარტყა და ამის გამო პოლიციაში იჩივლებს. ამავე დროს, ბორჯომში მომხდარ მოვლენებში მედიას ადანაშაულებს და ამბობს, რომ დღეს რაც მოხდა ბორჯომში, ესეც მედიის ბრალია.



ბორჯომის მერიაში ისევ ხმაურია. ადგილზე იმყოფება ბორჯომის რაიონული სამმართველოს უფროსი ალექსი ჩადუნელი.








[sknews.ge]