კვირის აქცენტი: ახალციხის საკრებულოს წაგებული საქმე [Video]

„სამხრეთის კარიბჭეს“ ყოველკვირეული გადაცემის „კვირის აქცენტის“ სტუმარია „ახალგაზრდა იურისთა ასოციაციის“ იურისტი ქეთევან ბებიაშვილი, რომელიც მოსარჩელეების ეკა ტატალაშვილისა და თეა ბაღდოშვილის ინტერესებს იცავდა.



► ახალციხის თვითმმართველობიდან რეორგანიზაციის შემდეგ გათავისუფლებულმა თანამშრომლებმა, ეკა ტატალაშვილმა და თეა ბაღდოშვილმა, სასამართლო პროცესი მოიგეს – ისინი თავიანთ პოზიციებზე უნდა დაინიშნონ და სახელფასო განაცდური აუნაზღაურდეთ. ეს ის დავაა, რომლის საწარმოებლად საკრებულომ კერძო ადვოკატი დაიქირავა.

► ეკა ტატალაშვილი და თეა ბაღდოშვილი ადგილობრივი თვითმმართველობის ორგანოებში რამდენიმე წელიწადი მუშაობდნენ. ეკა ტატალაშვილი 2014 წლიდან, ახალციხის თემის საკრებულოში, კადრების და წერილების საკითხებში, უფროსი სპეციალისტის პოზიციაზე მუშაობდა. 2015 წლის იანვრიდან, ქალაქის საკრებულოში, საორგაიზაციო საკითხებში სპეციალისტი იყო თეა ბაღდოშვილი. რანგირების მიხედვით, ორივე მათგანს მესამე რანგის მეორე კატეგორიის უფროსი სპეციალისტის წოდება ჰქონდა. თემისა და ქალაქის გაერთიანებისა და მუნიციპალიტეტების რეორგანიზაციის შემდეგ, თვითმმართველობაში არცერთი მათგანი აღარ დაასაქმეს.

► ტატალაშვილმა და ბაღდოშვილმა გათავისუფლების შემდეგ სასამართლოში იჩივლეს.



[sknews.ge]