დღეს სახალხო დამცველის თანამდებობაზე წარდგენილ კანდიდატებს უყრიან კენჭს

პირველი კანდიდატია ნინო ლომჯარია, რომელიც უმრავლესობაში შემავალმა ექვსივე ფრაქციამ წარადგინა პოსტზე, ხოლო მეორეა ფრაქცია “საქართველოს პატრიოტების” მიერ წარდგენილი გიორგი ფოფხაძე.

საქართველოს პარლამენტს ომბუდსმენი გუშინ უნდა აერჩია, მაგრამ, გუშინ კენჭისყრა არ გაიმართა. გადადება დეპუტატმა ირმა ინაშვილმა ითხოვა, იმ მოტივით, რომ გუშინ გასაუბრებაზე მათ მიერ წარდგენილი კანდიდატი გიორგი ფოფხაძე საფრანგეთიდან ვერ ჩამოვიდა და კარგი იქნებოდა, თუ პარლამენტი გიორგი ფოფხაძესაც მოუსმენდა.

ბიუროს გადაწყეტილებით, ლომჯარიას გუშინ, 29 ნოემბერს, მოუსმინეს, ხოლო გიორგი ფოფხაძეს – დღეს, 30 ნოემბერს მოუსმენენ, რის შემდეგაც კენჭისყრა გაიმართება.

[sknews.ge]