ახალციხეში წითელას ვირუსზე აცრები გრძელდება

ახალციხეში წითელას ვირუსზე ჯამში 434 პაციენტი უნდა აიცრას. მათ შორის, არასრულად იმუნიზირებული, სამედიცინო დაწესებულების მედ-პერსონალი და დაავადებულ პაციენტთან კონტაქტირებულები. აცრები თვის ბოლომდე გაგრძელდება.

ააიპ ახალციხის საზოგადოებრივი ჯანმრთელობის დაცვის ცენტრის ხელმძღვანელის ფატი ხაბულიანის თქმით, მუნიციპალიტეტის მასშტაბით წითელას ოთხი შემთხვევა გამოვლინდა.

”ერთი შემთხვევა 10 წლის მოზარდში გამოვლინდა, დანარჩენი სამი კი 27 წლის ასაკის ზემოთ პაციენტებში”, - განმარტავს ხაბულიანი.

შეგახსენებთ, რომ წითელას შემთხვევების მატების გამო დაავადებულებთან კონტაქტში მყოფი 6 თვიდან 30 წლამდე ასაკის პირების, ასევე 1-7 წლამდე პატარების უფასო სავალდებულო ვაქცინაცია მიმდინარეობს.

წითელას დაავადებას ცხელება, მე-4 - მე-5 დღეს კი გამონაყარი ახასიათებს.
წითელას გადატანის ან ვაქცინაციის შემთხვევაში ადამიანს დაავადებაზე მყარი იმუნიტეტი უყალიბდება.

საქართველოში იმუნიზაციის კვირეულო 22 აპრილს დაიწყო.

[თინათინ ზაზაძე, ახალციხე]