ლევან ლიპარტია მიტარბის გზის რეაბილიტაციაზე და დიდველზე პარკინგის გაფართოებაზე [R]

ბორჯომის მაჟორიტარმა დეპუტატმა გედევან ფოფხაძემ ახალი უბნის დასახლებაში მცხოვრებ მოსახლეობას ბორჯომის საკრებულოს მაჟორიტარი დეპუტატობის კანდიდატი გიორგი ლონდარიძე წარუდგინა. მართველი გუნდის მერობის კანდიდატმა კი, ამომრჩეველს საარჩევნო პროგრამა გააცნო და ოთხწლიან სამოქმედო გეგმაზე ისაუბრა.

„2018-2021 წლებისთვის, ბორჯომის მუნიციპალიტეტში დაგეგმილია ან უკვე განხორციელების ფაზაშია შემდეგი ინფრასტრუქტურული პროექტები: ბაკურიანის წყალმომარაგების სისტემის რეაბილიტაცია, მიტარბის გზის რეაბილიტაცია და დიდველზე პარკინგის გაფართოება, ბორჯომის მხარეთმცოდნეობის მუზეუმის რეაბილიტაცია, ბაკურიანი-ციხიჯვარის გზის რეაბილიტაცია, ტურისტული ინფრასტრუქტურის განვითარება ბაკურიანის რეკრეაციულ პარკში, შიდა საავტომობილო გზების რეაბილიტაცია როგორც ბორჯომში, ასევე სოფლებში, ბორჯომის საკანალიზაციო სისტემის და სანიაღვრე არხების მოწყობა“, - განაცხადა ლევან ლიპარტიამ.

ამომრჩეველს ასევე სიტყვით მიმართა პარტიული სიის პირველმა ნომერმა გიორგი ფერაძემ და მოსახლეობას მმართველი გუნდის მხარდაჭერისკენ მოუწოდა.

[sknews.ge]