ლევან ლიპარტია: ბორჯომში არა ერთი მასშტაბური ინფრასტრუქტურული პროექტი განხორციელდება [R]

შეხვედრაზე „ქართული ოცნების“ ბორჯომის რაიონული ორგანიზაციის აღმასრულებელმა მდივანმა ბესარიონ ფოფხაძემ ადგილობრივებს ახალდაბის მაჟორიტარი დეპუტატობის კანდიდატი ირაკლი ჩადუნელი და პარტიული სიის წარმომადგენელი მარინა ლომიძე წარუდგინა.

მერობის კანდიდატმა ახალდაბელებს საარჩევნო პროგრამა გააცნო და სამომავლო გეგმებზე ესაუბრა.

„ბორჯომის მუნიციპალიტეტის ეკონომიკური განვითარებისა და მოსახლეობის დასაქმების უზრუნველსაყოფად, სოფლის მეურნეობისა და მეწარმეების მხარდამჭერი პროგრამები განხორციელდება. გაგრძელდება შეღავათიანი აგროკრედიტების სახელმწიფო პროგრამა. ბორჯომის მუნიციპალიტეტში არა ერთი მასშტაბური ინფრასტრუქტურული პროექტი განხორციელდება. მოსახლეობის სოციალური პირობების გაუმჯობესების მიზნით, ჯანდაცვის მომსახურების გასაზრდელად და სოციალური დახმარების სისტემის დასახვეწად, სპეციალური ღონისძიებები გატარდება“, - განაცხადა ლევან ლიპარტიამ.

ახალდაბელებთან შეხვედრას ბორჯომის მაჟორიტარი დეპუტატი გედევან ფოფხაძეც ესწრებოდა. მან ახალდაბელებს ლევან ლიპარტიას მხარდაჭერისკენ მოუწოდა.

[sknews.ge]