კვირის აქცენტი: ახალციხის მერობის კანდიდატები [Video]

იმის გამო, რომ სტუდია არ იძლევა რამდენიმე სტუმრის მასპინძლობის საშუალებას, გადაცემა ორი ნაწილისაგან შედგება. გადაცემის პირველ ნაწილის სტუმრები არიან ზაზა მელიქიძე – "ქართული ოცნებიდან" და ვაჟა ჩიტაშვილი – "ევროპული საქართველოდან". მეორე ნაწილში კი ვმასპინძლეობთ, – ირაკლი ბარძიმაძეს – "ერთიანი ნაციონალური მოძრაობიდან"; ჯუმბერ ინასარიძეს – "პატრიოტთა ალიანსიდან" და ჯიმშერ გოგოლაურს – პარტიიდან „თავისუფლება – ზვიად გამსახურდიას გზა“.

უყუყრეთ გადაცემას და გაიგეთ, რას ფიქრობენ მერობის კანდიდატები ახალციხის, როგორც თვითმმართველი ქალაქის გაუქმებისა და ქალაქისა და თემის გაერთიანებაზე; რა გეგმები აქვთ ახალციხის მუნიციპალიტეტის განვითარებაზე; რა მიაჩნიათ მთავარ პრობლემად და რა გზებით აპირებენ მათ მოგვარებას; ასევე, რა გეგმები აქვთ ეთნიკური უმცირესობების ინტეგრაციის გასაუმჯობესებლად და რას ფიქრობენ, უნდა ფინანსდებოდეს თუ არა რელიგიური კონფესიები ადგილობრივი ბიუჯეტიდან.



დროის სიმცირის გამო, გადაცემაში ვერ დაისვა არაერთი კითხვა, თუმცა, "სამრეთის კარიბჭე" მომავალში, მერობის კანდიდატებთან ტეტსტურ ინტერვიუებს შემოგთავაზებთ და ყველა იმ კითხვაზე პასუხი, რაც ამომრჩეველს აინტერესებს, ამ მასალებში იქნება.

წინასაარჩევნო პერიოდში "სამხრეთის კარიბჭეს" გადაცემა "კვირის აქცენტი" ეთმობა რეგიონის მუნიციპალიტეტის მერობის კანდიდატებს. ჩვენ უკვე ვუმასპინძლეთ ადიგენისა და ასპინძის მერობის კანდიდატთა ნაწილს. რაც შეეხება ახალციხე, ამ გადაცემით ახალციხის ყველა კანდიდატი გაგაცანით, (გარდა არზუმან ზოროღლიანის, რომელსაც არ სურს გადაცემაშ მონაწილეობა), მომდევნო გადაცემები ასევე დაეთმობა სხვა მუნიციპალიტეტის მერობის კანდიდატებს.

აქვე შეგახსენებთ, გადაცემა გადიოდა რადიო "სამხრეთის კარიბჭეს" პირდაპირ ეთერში, ტალღაზე FM 97.5 ეს კი არის, მისი ჩანაწერი, ვიდეო ვერსია. გადაცემა განმეორებით გადის რადიოს ეთერში, კვირას, 13:00 საათზე.

[sknews.ge]