ახალციხეში სომეხთა გენოციდის დღე გაიხსენეს [Video]

ახალციხეში მცხოვრებმა ეროვნებით სომეხმა მოქალაქეებმა სომხური და ქართული დროშებით, ტრანსფარანტებითა და შეძახილებით, ქალაქის გავლით გენოციდის მსხვერპლთა მემორიალისკენ გადაინაცვლეს.

”ჩვენ გვინდა ყველას ვანახოთ, რომ სომეხთა ერის გენოციდი ჩვენ არ დაგვიწყებია და გვინდა მთელმა ახალციხემ გაიგოს რაც მოხდა”, - ამბობს მსვლელობის მონაწილე რაფო კოპალიანი.

მსვლელობისას ისმოდა შეძახილები ”აღიარება” და ”მკვლელი თურქები”.

”1915 წლის 24 აპრილი დიდ ადგილს იკავებს სომეხი ხალხის ისტორიაში, სწორედ ამ დღეს ოსმალეთის იმპერიის მიერ სომეხი ერის განადგურება მოხდა, დღეს ჩვენ გვინდა პატივი მივაგოთ დაღუპულებს და ყველას ვანახოთ, რომ ეს დღე არ დაგვიწყებია”, - ამბობს ჰამლეტ კოლიანი.

მსგავსი მსვლელობა ახალციხეში მცხოვრებმა ეროვნებით სომეხმა მოქალაქეებმა გუშინ საღამოსაც მოაწყეს.

1915 წლის 24 აპრილს ოსმალეთის იმპერიის მიერ სომეხი მოსახლეობის გენოციდი განხორციელდა. გენოციდის შედეგად მილიონნახევარი სომეხი დაიღუპა.



[ოთარ აწყურელი, ახალციხე]