გარემოს დაცვა:'გუჯარულაში საწვავ-საპოხი მასალების გაჟონვის საფრთხე არ არსებობს'

უწყების ინფრომაციით, ბორჯომის ხეობაში, სოფელ დაბაში, მდინარე გუჯარულაზე მოწყობილ ხელოვნური ავზიდან წყლის აღების დროს ვეტმფრენის ავარიული დაშვების ადგილზე გარემოს ეროვნული სააგენტოს სპეციალისტები იმყოფებიან, შეაფასებენ არსებულ ვითარებას, აიღებენ წყლის სინჯებს.

ამ ეტაპზე მყისიერად მოხდა ხელოვნური გუბურას ლოკალიზება და მდინარეში საწვავ-საპოხი მასალების გაჟონვის საფრთხე არ არსებობს.

შეგახსენებთ, რომ დღეს, 27 აგვისტოს ბორჯომის ხეობაში ხანძრის სალიკვიდაციო სამუშაოების დროს, წყლის რეზერვუარის ავსებისას ქართული ვერტმფრენი ჩამოვარდა. შემთხვევის შედეგად ოთხი პირი მსუბუქად დაშავდა.

ფაქტზე გამოძიება შსს-მ სსკ-ს 275-ე მუხლის პირველი ნაწილით დაიწყო.

[sknews.ge]