” დედაენის დღე” სამი დღის დაგვიანებით

ღონისძიებაში უნივერსიტეტის სტუდენტები, მასთან არსებული ქორეოგრაფიული ანსამბლები: ”ახალციხე” და გოგონათა ფოლკლორული ანსმბლი ”თამარიონი” და ახალციხის სკოლების მოსწავლეები მონაწილეობდნენ.

”ჩვენ ცოტა მოგვიანებით აღვნიშნეთ ეს დღე. ეს ისეთი დღეა რომელიც აუცილებლად უნდა აღინიშნოს, რათა დღევანდელმა ახალგაზრდებმა არ დაივიწყონ რა არის ჩვენთვის დედა ენა და რამდენად მნიშვნელოვანია ქართული ენა”, - ამბობს ღონისძიების ორგანიზატორი ნინო დობორჯგინიძე.

მისი თქმით, უნივერსიტეტებში ასეთი სახის ღონისძიება ყოველთვის უნდა ტარდებოდეს: ”როგორც მახსოვს, შარშან ჩვენმა უნივერსიტეტმა ასეთივე სახის ღონისძიება ჩაატარა. იმედი მაქვს სამომავლოდ ამ ტრადიციას გავაგრძელებთ”.

[ნუკა სტეფნაძე, ახალციხე]