ინფო ტური ჯავახეთისა და ბორჯომ-ხარაგაულის ეროვნულ პარკებში

დაცული ტერიტორიების სააგენტოს ცნობით, ტურისტული სააგენტოების წარმომადგენლებმა მადათაფის, ხანჩალის და ბუღდაშენის ტბები მოინახულეს. ტურ-ოპერატორებმა ბორჯომ-ხარაგაულის ეროვნულ პარკში ცხენებით და ველოსიპედებითაც გაისეირნეს. ასევე, დაათვალიერეს ეკოსაგანმანათლებლო ბილიკი.

"ინფო-ტურის მიზანი დაცულ ტერიტორიებზე ეკოტურიზმის განვითარების ხელშეწყობა და ტუროპერატორებისთვის ინფორმაციის მიწოდება წარმოადგენდა. ტური ტრანსსასაზღვრო გაერთიანებული სამდივნოს მხარდაჭერით ჩატარდა", – აცხადებენ დაცული ტერიტორიების სააგენტოში.

[sknews.ge]