დღეს მათემატიკის გამოცდების შედეგები გამოქვეყნდა

შედეგებისა და საკუთარი ნაშრომების ნახვა, აბიტურიენტებს, გამოცდების ეროვნული ცენტრის ვებგვერდზე შეუძლიათ. შედეგები 13:00 საატზე გამოქვეყნდა.

შეგახსენებთ, შეფასებისა და გამოცდების ეროვნულმა ცენტრმა ერთიანი ეროვნული გამოცდების შედეგების გამოცხადება 27 ივლისს დაიწყო. პირველად ზოგადი უნარების გამოცდის შედეგი გამოქვეყნდა. შედეგების მიხედვით გამოცდებს 5000-მდე აბიტურიენტი გამოეთიშა.

გამოცდების ეროვნული ცენტრი ყველა გამოცდის პირველადი შედეგების გამოქვეყნებას მიმდინარე წლის 5 აგვისტომდე გეგმავს.

მას შემდეგ რაც, გამოცდების პირველადი შედეგები გახდება ცნობილი აპელაციის პროცესი დაიწყება.

[sknews.ge]