ასპინძაში ფესტივალის ჩასატარებლად ტენდერი 50 000 ლარზე გამოცხადდა

ადგილობრივმა თვითმმართველობამ ფოლკლორული ფესტივალს ორგანიზებისთვის ტენდერი 50 000 ლარზე გამოაცხადა.

ტენდერში გამარჯვებულმა კომპანიამ უნდა უზრუნველყოს რეგიონის შვიდივე მუნიციპალიტეტისთვის ხის ფაცხების მოწყობა, სადაც ადგილობრივები წარმოადგენენ თავიანთი კუთხისთვის დამახასიათებელ აქტივობებს (კულინარია, რეწვა, ცეკვა, სიმღერა და სხვა).

გარდა ამისა ჩატარდება კულტურული და სპორტული ღონისძიებები. გაიმართება გალა–კონცერტი, ამ დღესვე გამოავლენენ და დააჯილდოვებენ ასპინძის საპატიო მოქალაქეებს.

საზეიმო ღონისძიება ასპინძის ცენტრში, ავტოსადგურის მიმდებარე ტერიტორიაზე გაიმართება, ამ დღესვე საზეიმოდ გაიხსნება“ასპინძის ბრძოლისადმი“მიძღვნილი მემორიალიც.

დღის ბოლოს კი მოწვეული სტუმრებისთვის ბანკეტი 120 კაცზე გაიმართება.

[თინათინ ზაზაძე, ასპინძა]