ახალდაბაში, ცენტრალურ მაგისტრალზე მოძრაობა ნაწილობრივ აღდგა

შინაგან საქმეთა სამინისტროს ინფორმაციით, ამ დროისთვის ახალდაბაში მოძრაობა ნახევრად აღდგა. აქ გაჩერებულ ასობით მანქანას საპატრულო პოლიციის თანამშრომლები ნაწილ–ნაწილ ატარებენ.

„ტექნიკა გზის გასაწმენდად ამ დრომდე მუშაობს“, – აცხადებენ შინაგან საქმეთა სამინისტროში.
უწყების ინფორმაციით, სრულად მოძრაობა დაახლოებით ნახევარ საათში აღდგება.

შეგახსენებთ, რომ დღეს 10 ივნისს ძლიერი წვიმის შედეგად მოვარდნილმა ღვარცოფმა ახალდაბაში ცენტრალური მაგისტრალი ჩაკეტა;



[თამუნა უჩიძე, ბორჯომი]