ახალციხეში ტოტალიზატორში 50 წლამდე კაცი გარდაიცვალა

შემთხვევა დღეს, რვა მაისს დაახლოებით 19:20 საათზე მოხდა.

როგორც თვითმხილველები ჰყვებიან, კაცი ტოტალიზატორის შენობაში იმყოფებოდა, როდესაც მოულოდნელად სკამიდან გადავარდა და დაეცა –„სულ გალურჯდა, ისეთი ფერი ჰქონდა და სასწრაფოს გამოვუძახეთ“.

ადგილზე მისულ სასწრაფო სამედიცინო ჯგუფს 50 წლამდე კაცი უკვე გარდაცვლილი დახვდა.

თვითმხილველები ამბობენ, რომ კაცი ახალციხის მუნიციპალუტეტის ერთ–ერთ სოფელში ცხოვრობს, იგი ტოტალიზატორში ხშირად დადიოდა.

ამ დროისათვის ადგილზე სამართალდამცველები მუშაობენ. რა გახდა 50 წლამდე კაცის გარდაცვალების მიზეზი, ექსპერტიზა დაადგენს.

[ლუბა გიორგაძე, ახალციხე]