სოფელ ტაძრისში ამბულატორიის შენობის რეაბილიტაცია დაიწყო

გამგეობის ინფორმაციით, პროექტის ფარგლებში ამბულატორიაში შეიცვლება ძველი კარ–ფანჯარა, განხორციელდება შიდა და გარე ფასადის მოპირკეთების სამუშაოები, მოწესრიგდება სველი წერტილები, დამონტაჟდება ელექტროგაყვანილობა, აივანზე მოეწყობა ლითონის მოაჯირები, კიბები და პანდუსი;ბ

ამბულატორია სოფლის ექიმის სახელმწიფო პროგრამის ფარგლებში იმუშავებს. უფასო ამბულატორიული მომსახურების გარდა, ამბულატორიაში განხორციელდება მნიშვნელოვანი პროფილაქტიკური პროგრამები - იმუნიზაციის პროგრამა და ინფექციური დაავადებების მონიტორინგი.

როგორც გამგეობაში აცხადებენ, ადგილობრივებს ახალგარემონტებულ ამბულატორიაში პირველადი სამედიცინო მომსახურებით სარგებლობა მიმდინარე წლის ივნისიდან შეეძლებათ;

[sknews.ge]