საყოველთაო დაზღვევით ახალციხეში 148 პაციენტმა ისარგებლა

ამ დროისთვის სამედიცინო დაწესებულებაში დაახლოებით 4 პაციენტი მკურნალობს. გეგმიური ოპერაციისთვის კი სამედიცინო დაწესებულებას 10-მა პაციენტმა მიმართა.

„უნიმედი სამცხეს“ სამედიცინო დაწესებულებაში საყოველთაო დაზღვევის შედეგად 11,000 ადამიანია აღრიცხული.

შეგახსენებთ, რომ 1 ივლისიდან საყოველთაო ჯანდაცვის პროგრამა გაფართოვდა და მეორე ეტაპი დაიწყო, გაფართოვდა ურგენტული შემთხვევების დაფინანსების სპექტრი. პროგრამა ითვალისწინებს ამბულატორიაში ოჯახის ექიმის მომსახურების, ინსტრუმენტული ლაბორატორიული კვლევების დაფინანსებას. ასევე დაფინანსდება გეგმიური ოპერაციების ფართო სპექტრი (წლიური ლიმიტი 15 ათასი ლარი, დაფინანსდება 70 პროცენტით),ონკოლოგიური პაციენტების მკურნალობა (წლიური ლიმტი 12 ათასი ლარი, დაფინანსდება 80 პროცენტით), მშობიარობა (ფიზიოლოგიური 500 ლარი, საკეისრო კვეთა 800 ლარი).

[თინათინ ზაზაძე, ახალციხე]