ნინოწმინდის გამგეობა, უვიზო რეჟიმის ნაცვლად, ასოცირების ხელმოწერას გვილოცავს [Photo]

"საქართველოსა და ევროკავშირს შორის ასოცირების ხელშეკრულებას ხელი მოეწერა. გილოცავ, საქართველო", – ვკითხულობთ ქართულ და სომხურ ენებზე, გამგეობის ფეისბუქის ოფიციალურ გვერდზე.

ტექსტს ნინოწმინდის გამგეობის, საქართველოსა და ევროკავშირის დროშებიანი ფოტო და ვიდეომასალა ერთვის, რომელშიც საქართველოს ასოცირების ხელშეკრულებაზე ხელმოწერას ულოცავენ.




სატელეფონო საუბარში, კითხვაზე, – რა ხდება დღეს საქართველოსთვის მნიშვნელოვანი, ნინოწმინდის გამგებელმა გაგიკ კარსლიანმა განაცხადა, რომ დღეიდან მოქალაქეებს შენგენის ზონაში უვიზოდ გადაადგილება შეუძლიათ. მან ასევე გვითხრა, რომ ამ ფაქტთან დაკავშირებით, გამგეობაზე ევროკავშირის დროშაა აღმართული და ფეისბუქის გვერდზეც მიულოცეს მოქალაქეებს.

თუმცა, კითხვაზე, მან თუ ნახა ტექსტი, რაც მათი ფეისბუქის ოფიციალურ გვერდზე წერია, გამგებელმა გულწრფელად განაცხადა, რომ არ უნახავს.

[sknews.ge]