ჩემპიონატი ქართულ ჭიდაობაში დასრულდა

შეჯიბრი, ქართულ ჭიდაობაში პირველობის მოსაპოვებლად, 25 მარტს გაიხსნა. მაში მონაწილეობა მთელი ქვეყნის მასშტაბით, 2000–2002 წლებში დაბადებულმა ვაჟებმა მიიღეს.

ჩემპიონატი რვა წონით კატეგორიაში მიმდინარეობდა: 46კგ, 50კგ, 56კგ, 60კგ, 66კგ, 73კგ, 81კგ და მძიმე წონა. თითოეულ კატეგორიაში პირველი, მეორე და მესამე ადგილზე გასული მოჭიდავეები გამოვლინდნენ. მათ სამახსოვრო მედლები და დიპლომები გადაეცათ. ფასიანი საჩუქრები კი ჩემპიონატის ყველა მონაწილემ მიიღო.

ორ დღიანი ტურნისათვის ახალციხეში მოჭიდავეები ქვეყნის სხვადასხვა რეგიონებიდან ჩამოვიდნენ, თუმცა მაში მონაწილეობა სპორტსმენებს სამცხე–ჯავახეთიდან არ მიუღიათ.

„ამ ჩემპიონატში ახალციხელი მოჭიდავეები არ არიან, სწორედ ამიტომ ვატარებთ აქ, რომ პოპულარიზაცია მოხდეს ქართული ჭიდაობის. დღეს ქალაქის მერი, ვლადიმერ ზედგინიძე დაგვპირდა, რომ დაინიშნება მწვრთნელი და გავზრდით ბევრ მოჭიდავეს“ – განმარტა ქართული ჭიდაობის ეროვნული ფედერაციის პრეზიდენტმა გელა ბერუაშვილმა.



[თაკო ფეიქრიშვილი, ახალციხე]