22 მარტი წყლის რესურსების საერთაშორისო დღეა

წყლის საერთაშორისო დღე საქართველოში რამდენიმე წელია აქტიურად აღინიშნება. მასში, როგორც სახელმწიფო, ასევე სხვადასხვა კერძო სექტორის წარმომადგენლები არიან ჩართული.

გაეროს წყლის ორგანიზაციის ინფორმაციით, 1990-დან 2015 წლის ჩათვლით 2.6-მა მილიარდმა ადამიანმა წყალზე წვდომა გაიუმჯობესა, თუმცა მსოფლიოს მასშტაბით 2.4 მილიარდ ადამიანს კვლავ აქვს სანიტარული გამოწვევები. 663 მილიონ ადამიანს არ მიეწოდება სუფთა წყალი და მას გაუფილტრავად, მდინარეებიდან ან ჭებიდან იღებენ, რაც, დაავადებების გავრცელების მიზეზი ხდება.

მსოფლიოში ბავშვების სიკვდილიანობის გამომწვევი ერთ-ერთი მიზეზი დაბინძურებული წყლით გამოწვეული დაავადებებია. 5-დან 1 ბავშვი სწორედ ამ მიზეზით იღუპება.

გაეროს შემუშავებული აქვს სამოქმედო გეგმა, რომლის მიხედვითაც 2030 წლისთვის მსოფლიოში სუფთა წყალზე ხელმისაწვდომობა ყველას უნდა ჰქონდეს. ასევე, მსოფლიოში მოგვარებული იყოს ჰიგიენისა და ღია დეფეკაციის პრობლემა, რაც განსაკუთრებულ პრობლემას გოგონებსა და ქალებს უქმნის.

[sknews.ge]