მასწავლებელთა და მაგისტრანტობის კანდიდატთა რეგისტრაცია დაიწყო

შეფასებისა და გამოცდების ეროვნული ცენტრის ინფორმაციით, 20 მარტიდან 5 აპრილის ჩათვლით პრაქტიკოს მასწავლებლებს, მასწავლებლობის მსურველებსა და მაგისტრანტობის კანდიდატებს საშუალება ექნებათ რეგისტრაცია გაიარონ ვებგვერდებზე: www.naec.gov.ge და online.naec.ge

დეტალური ინფორმაცია, ასევე გზამკვლევი მაგისტრანტობის კანდიდატებისათვის რეგისტრაციის დაწყებამდე გამოქვეყნდება.

შეფასებისა და გამოცდების ეროვნული ცენტრის ინფორმაციითვე, საერთო სამაგისტრო გამოცდაზე რეგისტრაციისთვის აპლიკანტი 50 ლარს გადაიხდის.

რაც შეეხება მასწავლებელთა გამოცდებს, პრაქტიკოსი პედაგოგებისთვის რეგისტრაცია უფასოა, სხვა აპლიკანტებმა კი 50 ლარი უნდა გადაიხადონ.

[sknews.ge]