ახალციხის გამგეობაში საჯარო მოხელეებს ტესტირების გარეშე შეარჩევენ

ახალციხის მუნიციპალიტეტის გამგეობამ 18 პოზიციაზე ვაკანსია 1 მარტს გამოაცხადა. მსურველებს ელექტრონულად განაცხადის შევსება 10 მარტამდე შეუძლიათ.

როგორც, ახალციხის მუნიციპალიტეტის გამგეობაში აცხადებენ საბუთების გადარჩევის შემდეგ, აპლიკანტები მხოლოდ გასაუბრებას გაივლიან და ვაკანტურ პოზიციებზე ისე დაინიშნებიან.

„თვითმართველობის კოდექსის მიხედვით ტესტირების ჩატარება აუცილებელი აღარ არის. აპლიკანტები ჩააბარებენ თუ არა გამოცდებს ეს უკვე დამსაქმებლის სურვილია, ამიტომ ამ შემთხვევაში მხოლოდ ორ ეტაპს გავატარებთ“, – ამბობს გამგეობის ადმინისტრაციის სამსახურის უფროსი ბაია იველაშვილი.

ახალციხის გამგეობის გადაწყვეტილება საკრებულოს ოპოზიციონერი დეპუტატისთვის, მაკა სუდაძისათვის მიუღებელია: „ეს გაიოლებული ფორმა ცოტა საეჭვოა. ადვილი შესაძლებელია, კომისიამ, ან გამგებელმა საკუთარი ინტერესებიდან გამომდინარე მიიღონ თანამშრომლები, რა თქმა უნდა ამის წინააღმდეგი ვარ“.

მისთვის ასევე მიუღებელია გამგეობაში კადრების მატება: „მე დასაქმების წინაათღმდეგი კიარ ვარ, უბრალოდ ეს გამგეობის ბიუჯეტის ხარჯზე არ უნდა ხდებოდეს. ადგილობრივებს იმაში შეუწყონ ხელი რომ სადმე ბიზნესში დასაქმდნენ და არა გამგეობაში“.

ბაია იველაშვილი კი ამბობს, რომ აღნული პოზიციები ამ დრომდე ვაკანტური იყო და გამგეობის სრუყოფილი მუშაობისთვის მათი შევსება მნიშვნელოვანია.

ახალციხის მუნიციპალიტეტის გამგეობაში ვაკანსია შემდეგ პოზიციებზეა გამოცხადებული:

გამგებლის თანაშემწე (თანამდებობრივი სარგო 800 ლარი);

ბუღალტრული აღრიცხვის განყოფილების უფროსი (თანამდებობრივი სარგო 800 ლარი);

ინფრასტრუქტურის მოწყობისა და მშენებლობის განყოფილების უფროსი (თანამდებობრივი სარგო 800 ლარი);

მთავარი სპეციალისტი ინფრასტრუქტურისა და კეთილმოწყობის საკითხებში (თანამდებობრივი სარგო 560 ლარი);

არქიტექტურისა და სივრცითი მოწყობის განყოფილების უფროსი (თანამდებობრივი სარგო 800 ლარი);

მთავარი სპეციალისტი არქმშენინსპექციისა და ზედამხედველობის საკითხებში (თანამდებობრივი სარგო 560 ლარი);

წამყვანი სპეციალისტი–გამგებლის წარმომადგენლის თანაშემწე აგარის ადმინისტრაციულ ერთეულში (თანამდებობრივი სარგო 540 ლარი);
გამგებლის წარმომადგენელი პამაჯის ტერიტორიულ ერთეულში (თანამდებობრივი სარგო 950 ლარი);

წამყვანი სპეციალისტი–გამგებლის წარმომადგენლის თანაშემწე კლდის ადმინისტრაციულ ერთეულში (თანამდებობრივი სარგო 540 ლარი);

წამყვანი სპეციალისტი–გამგებლის წარმომადგენლის თანაშემწე ურავლის ადმინისტრაციულ ერთეულში (თანამდებობრივი სარგო 540 ლარი);

ეკონომიკური დაგეგმვისა და სტატისტიკის განყოფილების უფროსი (თანამდებობრივი სარგო 800 ლარი);

წამყვანი სპეციალისტი–გამგებლის წარმომადგენლის თანაშემწე აწყურის ადმინისტრაციულ ერთეულში (თანამდებობრივი სარგო 540 ლარი);

წამყვანი სპეციალისტი–გამგებლის წარმომადგენლის თანაშემწე წყრუთის ადმინისტრაციულ ერთეულში (თანამდებობრივი სარგო 540 ლარი);

წამყვანი სპეციალისტი–გამგებლის წარმომადგენლის თანაშემწე სხვილისის ადმინისტრაციულ ერთეულში (თანამდებობრივი სარგო 530 ლარი);

წამყვანი სპეციალისტი–გამგებლის წარმომადგენლის თანაშემწე პამაჯის ადმინისტრაციულ ერთეულში (თანამდებობრივი სარგო 540 ლარი);

წამყვანი სპეციალისტი–გამგებლის წარმომადგენლის თანაშემწე სვირის ადმინისტრაციულ ერთეულში (თანამდებობრივი სარგო 540 ლარი);

წამყვანი სპეციალისტი–გამგებლის წარმომადგენლის თანაშემწე ანდრეაწმინდის ადმინისტრაციულ ერთეულში (თანამდებობრივი სარგო 540 ლარი);

[ლუბა გიორგაძე, ახალციხე]