ბერძნულ-რომაულ ჭიდაობაში საქართველოს პირველობა დასრულდა

ჩემპიონატი 15 თებერვალს დასრულდა. შეჯიბრის ბოლო დღეს ჩემპიონ-პრიზიორები დარჩენილ 4 წონით კატეგორიებში გამოვლინდნენ, 66 კგ-ში გამარჯვება სამტრედიელმა ფალავანმა გოგა გოგიბერაშვილმა იზეიმა, 75 კგ-ში ყველას აჭარელმა გელა ბოლქვაძემ აჯობა, 85 და 130 კგ-ებში კი გამარჯვება გარდაბნის წარმომადგენელმა ევროპის ვიცე-ჩემპიონმა რობერტ კობლიაშვილმა და მცხეთელმა ლევან არაბულმა მოიპოვეს.

შეგახსენებთ, შეჯიბრების პირველ დღეს 59 კგ-ში მთავარი ჯილდო აჭარელმა ფალავანმა ლერი აბულაძემ მოიპოვა, 71 კგ-ში გამარჯვებული ადიგენელი გოგა აფრიამაშვილი გახდა, 80 და 98 კგ კატეგორიებში თბილისელი ფალავნები ზურაბ დათუნაშვილი და კუკური კირცხალია გამოირჩნენ.

ეროვნული ნაკრები საქართველოს ჩემპიონატში გამარჯვებული სპორტსმენებით დაკომპლექტდება რომელიც 2-7 მაისს სერბეთში გასამართ ევროპის ჩემპიონატზე მიიღებს მონაწილეობას.

[sknews.ge]