17 თებერვლამდე საქართველოში ცივი და თოვლიანი ამინდი იქნება

13 თებერვალს საქართველოში შენარჩუნებული იქნება ცივი და დროგამოშვებით ნალექიანი ამინდი. ჰაერის ტემპერატურა დასავლეთ საქართველოში +1, +6, აღმოსავლეთ საქართველოში -2, +3 გრადუსი იქნება.

დედაქალაქში მცირე თოვლია მოსალოდნელი.

უამინდობა ნარჩუნდება 14 – 16 თებერვალსაც. ნალექი მოსალოდნელია უმეტესად თოვლის სახით, იქროლებს დასავლეთის მიმართულების ქარი, მაღალმთიან რაიონებში შესაძლებელია ქარბუქი. ჰაერის ტემპერატურა დაბლობსა და ბარში დღის საათებში -1 , +4 გრადუსი იქნება.

17 – 19 თებერვალს ღამის საათებში გაძლიერდება ყინვა. 18 – 19 თებერვალს ქვეყნის ტერიტორიის უმეტეს ნაწილზე უნალექო ამინდია მოსალოდნელი. დღის საათებში შედარებით დათბება.

[sknews.ge]