დღეს საქართველოში ძლიერი ყინვაა მოსალოდნელი

გარემოს ეროვნული სააგენტოს ინფორმაციით ამაღამ, 31 იანვარს, დასავლეთ საქართველოს დაბლობ რაიონებში ჰაერის ტემპერატურა შესაძლოა -5, ზოგან -10, აღმოსავლეთ საქართველოს ბარში -13, -16, მთიან რაიონებში -15, -18, მაღალმთაში -22, -25, დედაქალაქში -6, -8 გრადუსამდე დაეცეს.სუბტოპიკულ ზონაში ძლიერმა აცივებამ შესაძლებელია ციტრუსოვანი, განსაკუთრებით ლიმონის ნარგავების დაზიანება გამოიწვიოს.

30 იანვარს საქართველოში ნარჩუნდება ცივი და დროგამოშვებით თოვლიანი ამინდი, მაღალმთიან რაიონებში ზოგან ქარბუქი. ჰაერის ტემპერატურა -2, +3 გრადუსი იქნება. დედაქალაქში შესაძლებელია მცირე თოვლი.

31 იანვარს ღამის საათებში ქვეყნის ტერიტორიის უმეტეს ნაწილზე ნალექი შეწყდება და გაძლიერდება ყინვა. დასავლეთ საქართველოს დაბლობ რაიონებში ჰაერის ტემპერატურა შესაძლოა -10, აღმოსავლეთ საქართველოს ბარში (შიდა ქართლი) -16, დედაქალაქში -8 გრადუსამდე დაეცეს.

31 იანვარს, დღისით და 1 – 2 თებერვალს კვლავ დროგამოშვებით თოვლიანი ამინდი იქნება.

3–5 თებერვალს უმეტესად უნალექო ამინდია მოსალოდნელი. ჰაერის ტემპერატურაც მოიმატებს.

[sknews.ge]