შობის ღამისთევა ახალციხეში [Video]

შობა ერთ–ერთი, უდიდესი დღესასწაულია საეკლესიო დღესასწაულთა შორის. მართლმადიდებლები შობის დღესასწაულს იულიუსის კალენდრის მიხედვით ზეიმობენ. ბერძენმა მართლმადიდებლებმა შობის დღესასწაული ბეთლემში აღნიშნეს. მართლმადიდებლური ტრადიციის თანახმად, იესო ქრისტე სწორედ ბეთლემში, ერთ პატარა გამოქვაბულში იშვა. პირველად მაცხოვრის შობა წარმართ მოგვებზე გაცხადდა. სწორედ მათ შეამჩნიეს ცაზე აღმოსავლეთის ვარსკვლავი, რომელიც განსაკუთრებულად კაშკაშებდა და მოესმათ ზეციური ხმა: “ოსანა მაღალთა შინა, კურთხეულ არს მომავალი სახელითა უფლისათა”. ეს იმის ნიშანი იყო, რომ გამოქვაბულში იშვა მხსნელი.

მოგვებმა გადაწყვიტეს, რომ მისულიყვნენ ახალშობილ იესოსთან და თაყვანი ეცათ მისთვის. შობის დღეს, მას მიართვეს სამი საჩუქარი: ოქრო, გუნდრუკი და მური. ოქრო როგორც მეფეს, გუნდრუკი როგორც ღმერთს და მური როგორც ადამიანს.

ყოველ შობის დღესასწაულზე, პატრიარქის ლოცვა-კურთხევით, დგება ლიტანიობა. მისივე ლოცვა-კურთხევით, თითოეული მორწმუნე ადამიანი შობის ღამეს სარკმელთან სანთელს ანთებს და მიდგომილ ღვთისმშობელს სახლში იხმობს.

შობის დღესასწაულს წინ 40–დღიანი მარხვა უძღვის. დღეიდან კი მარხვა ხსნილდება და მორწმუნეებს ყველანაირი საკვების მიღება შეუძლიათ.



[თინათინ ზაზაძე, ნინო ნარიმანიშვილი,
გიორგი ლონდარიძე, ახალციხე]