თურქეთში აფეთქებების შედეგად 29 ადამიანი დაიღუპა და 116 დაშავდა

შეგახსენებთ, რომ თურქეთში ორი აფეთქება გუშინ, 10 დეკემბერს დაახლოებით 24:00 საათზე მოხდა. აფეთქებების შედეგად დაიღუპა 29 ადამიანი, ხოლო 166 დაშავდა. გარდაცვლილთაგან 27 პოლიციელია.

პირველი აფეთქება სტამბოლის ცენტრში, ტაქსიმის მოედნის მიმდებარედ მდებარე სტადიონ "ბეშიქტაშის" სიახლოვეს მოხდა, რა დროსაც საფეხბურთო მატჩი ბეშიქთაშსა და ბურსასპორს შორის ახალი დამთავრებული იყო.მეორე აფეთქება მაჩკას პარკთან მოხდა.

თურქეთის პრეზიდენტის რეჯეპ ტაიპ ერდოღანის განცხადებით, ტერაქტის ორგანიზატორებს სურდათ, რომ მსხვერპლი რაც შეიძლება დიდი ყოფილიყო.

მისი ინფორმაციით, თავდასხმის ობიექტი პოლიციელების ავტობუსი იყო, ხოლო ასაფეთქებელი მოწყობილობა დისტანციური მართვის პულტით იმართებოდა.

ამ დროისთის არცერთ ტერორისტულ დაჯგუფებას, აფეთქებების გამო პასუხისმგებლობა არ აუღია.








[sknews.ge]