მართლმადიდებელი ეკლესია ღვთისმშობლის ტაძრად მიყვანებას აღნიშნავს

ყოვლადწმინდა ღვთისმშობლის მშობლებს, იოაკიმესა და ანას შვილი ორმოცდაათი წლის განმავლობაში არ ჰყავდათ. ანამ უფალს აღუთქვა, თუ წყალობას მოიღებდა, შვილს მასვე შესწირავდა. ქალს მთავარანგელოზი გაბრიელი გამოეცხადა და ახარა, რომ მას ასული - მარიამი ეყოლებოდა, რომლის წიაღიდანაც ქვეყნიერებას მაცხოვარი მოევლინებოდა.

სამი წლის განმავლობაში მარიამი სახლში იზრდებოდა. შემდეგ კი მშობლებმა იგი აღსაზრდელად იერუსალიმში ტაძარში მიიყვანეს.
ეკლესიაში წმინდა მარიამს მღვდელმთავარი ზაქარია (იოანე ნათლისმცემლის მამა) შეეგება, რომელმაც, ღვთის შთაგონებით, ნეტარი ასული წმიდათა წმიდაში შეიყვანა, ტაძრის იმ ადგილზე, სადაც მხოლოდ მღვდელმთავარი შედიოდა, წელიწადში ერთხელ.

ღვთისმშობლის ტაძრად მიყვანება ერთერთია ეკლესიის მიერ დადგენილ 12 საუფლო დღესასწაულს შორის.

[sknews.ge]