1 დეკემბერს მსოფლიო შიდსთან ბრძოლის დღეს აღნიშნავს

გაერო-ს მოსახლეობის ფონდის (UNFPA) აღმასრულებელი დირექტორი, ბაბატუნდე ოსოტიმეჰინი შიდსის მსოფლიო დღეს, საგანგებო განცხადებით გამოეხმაურა:

„2010 წლის შემდეგ, ზრდასრულთა ინფიცირების წლიური რიცხვი უცვლელია. აივ/შიდსის მკურნალობამ, რომელიც 2016 წელს 18 მილიონზე მეტ ადამიანს მისწვდა, მილიონობით სიცოცხლე გადაარჩინა და ახალი ინფექციების გავრცელების რისკი შეამცირა, მაგრამ მხოლოდ მკურნალობა აივ-ის გავრცელებას ვერ შეაჩერებს. ჩვენ ვიცით, რა და როგორ უნდა გაკეთდეს უკეთესი შედეგის მისაღებად: მთავრობებმა, საზოგადოებამ და საერთაშორისო პარტნიორებმა უნდა გაზარდონ ინვესტირება ისეთი ინტერვენციების განსახორციელებლად, რომელიც ხელს შეუწყობს ქცევის შეცვლას, სამედიცინო მომსახურების გაუმჯობესებას და შესაბამისი პოლიტიკის გატარებას, რაც აივ ინფექციის პრევენციას გააძლიერებს“-ნათქვამია განცხადებაში.

მსოფლიო შიდსის დღის აღნიშვნის იდეა 1988 წელის შიდსის პრევენციის პროგრამით ჯანდაცვის მინისტრების სამიტზე გაჩნდა. მას შემდეგ ეს იდეა მრავალმა მთავრობამ, საერთაშორისო და საქველმოქმედო ორგანიზაციამ მიიღო მთელ მსოფლიოში.

[sknews.ge]