ცესკოს თავმჯდომარემ პარლამენტს არჩევნების შედეგები გააცნო

დოკუმენტაცია დროებით სამანდატო კომისიას წარედგინა, რომელიც აღნიშნულ დოკუმენტაციას შეისწავლის და შედეგებს პარლამენტს მოახსენებს.
ამის შემდეგ კი, დღის წესრიგში პარლამენტის წევრთა უფლებამოსილების ცნობის საკითხი დადგება. უფლებამოსილებას პარლამენტი დადგენილებით ცნობს.

პარლამენტი უფლებამოსილია შეუდგეს მუშაობას, თუკი პარლამენტის სრული შემადგენლობის არანაკლებ ორი მესამედის უფლებამოსილება იქნება ცნობილი.

ამის შემდეგ პარლამენტის წევრები ქვეყნისადმი ერთგულების ფიცს დებენ. წინა მოწვევის პარლამენტს კი, უფლებამოსილება შეუწყდება.

შეგახსენებთ, დღეს, მე–9 მოწვევის პარლამენტი შეიკრიბა. სხდომა საქართველოს პრეზიდენტმა გახსნა.

[Sknews.ge]