მესხეთის თეატრში პრემიერა გაიმართება

დღეს, 17 ოქტომბერს, მესხეთის თეატრის მაყურებელი პრემიერას, სახელწოდებით "ჰედა გაბლერი" ნახავს. იგი ნორვეგიელი დრამატურგის, ჰენრიკ იბსენის პიესის მიხედვით შეიქმნა. მესხეთის თეატრში სპექტაკლი რეჟისორმა მამუკა ცერცვაძემ დადგა.

მე–19 საუკუნის ცნობილმა ნორვეგიელმა დრამატურგმა ჰენრიკ იბსენმა, ამ პიესაში წარმოაჩინა საზოგადოება – ერთი მასა, საკუთარ თავზე მზრუნველი წევრებით და მათგან გამოყოფილი, მეამბოხე ჰედა გაბლერი, რომელსაც სურს ისე იცხოვროს, როგორც თავად უნდა და არა ვიღაცის მიერ დადგენილი წესებით. ამ ერთფეროვან და მძიმე გარემოში ჰედა ეძებს მშვენიერებას და სიმამაცეს, რისი პოვნაც აქ შეუძლებელია.

სპექტაკლში ადგილობრივი მსახიობები ლია სულუაშვილი, ლია გოგიძე, ჯუნა თუმანიშვილი, ანი ხუბუტია, ლექსო ჩემია, ლაშა ბუტულაშვილი და მანუჩარ გოგოლაური მონაწილეობენ.

პრემიერა ორი დღის განმავლობაში, საღამოს 19:00 საათზე დაიწყება.

[sknews.ge]