ბიძინა ივანიშვილი ახალციხეში ჟურნალისტებს შეხვდება

ბიძინა ივანიშვილი ჟურნალისტების კითხვებს 12:00 საათისთვის უპასუხებს.

„შეხვედრები რეგიონულ მედიასთან”, ტელეკომპანია GDS-ის ახალ საარჩევნო პროექტის ფარგლებში იმართება, რომელშიც ყოფილი პრემიერ-მინისტრი ბიძინა ივანიშვილი მონაწილეობს. გადაცემა კვირაში ორჯერ, ორშაბათსა და ხუთშაბათს, 12:00 საათზე, ტელეკომპანია GDS-ის პირდაპირ ეთერში გადის.

ბიძინა ივანიშვილი რეგიონალურ მედიასთან შეხვედრებს, საქართველოს ათივე რეგიონში გეგმავს. სამცხე–ჯავახეთში რეგიონულ მედიასთან შეხვედრა გურიის, სამეგრელოს, იმერეთისა და რაჭის რეგიონების შემდეგ შედგება. განსაზღვრულია სავარაუდო თემებიც:

• განვლილი 4 წლის შეფასება და პროგნოზი;
• ბიძინა ივანიშვილის არჩევანი და გზავნილი საზოგადოებას;
• პოლიტიკური პარტიების შეფასება და ინფორმაცია მათ შესახებ არჩევანის გაკეთების წინ;
• რატომ არ ყავს ქართულ ოცნებას ალტერნატივა და როგორ აფასებს მმართველ გუნდს;
• რა რჩება მთავარ გამოწვევად, პასუხი ოპონენტებს;

[sknews.ge]