22.10.2020 - ახალციხის მეხუთე საჯარო სკოლაში კორონავირუსი ორ მოსწავლესა და ერთ მანდატურს დაუფიქსირდა.
22.10.2020 - ახალციხის პირველი საჯარო სკოლის XII კლასის მოსწავლეს covid-19 დაუდასტურდა. ინფიცრებული კლინიკაშია გადაყვანილი, მასთან კონტაქტში მყოფი კლასელები კი თვითიზოლაციაში იმყოფებიან.
22.10.2020 - ბოლო 24 საათში სამცხე–ჯავახეთში კორონავირუსი კიდევ 24 პირს დაუდასტურდა. რეგიონში covid-19-ის შემთხვევათა რაოდენობა 174–მდე გაიზარდა.
22.10.2020 - ახალქალაქის ორ სკოლაში მასწავლებლებს კორონავირუსი დაუდასტურდათ. 22 ოქტომბრის მონაცემებით, დისტანციურად სწავლობენ ახალქალაქის მეოთხე და მეხუთე სკოლები.
22.10.2020 - ახალციხეში ბანკი „კრედო“ რამდენიმე დღით დაიკეტა, თანამშრომელს კორონავირუსი დაუდასტურდა, შენობაში სადეზინფექციო სამუშაოები მიმდინარეობს.
22.10.2020 - დღეს, 22 ოქტომბერს საქართველოში კორონავირუსის 1 595 ახალი შემთხვევა დაფიქსირდა, გამოჯანმრთელდა 398 პაციენტი, გარდაიცვალა – 6.
22.10.2020 - ნინოწმინდის ოთხ სკოლაში მასწავლებლებს კორონავირუსი დაუდასტურდათ. დისტანციურად სწავლობენ ნინოწმინდის პირველ, მეორე, მესამე და სოფელ დილიფის საჯარო სკოლებში.
21.10.2020 - ახალციხელი პედიატრი, რომელსაც კორონავიურსი დაუდასტურდა თბილისის ერთ–ერთ კლინიკაში მკურნალობს, მას პერიოდულად ტემპერატურა და სპაზმური ხველა აქვს. ექიმი გვიყვება, როგორ გამოუვლინდა სიმპტომები და რას უნდა მივაქციოთ ყურადღება.
21.10.2020 - ახალციხის ორ სამედიცინო დაწესებულებაში ცხელებიან პაციენტს ვერ იღებენ, კლინიკებში ამბობენ, რომ პაციენტებით გადავსებულია. 57 წლის კაცი, რომელსაც მეორე დღეა ტემპერატურა აქვს, საავადმყოფოს ეზოში დგას და ელოდება, როდის გამოჩნდება მისთვის ადგილი.
21.10.2020 - ბორჯომის მუნიციპალიტეტის დაბა წაღვერის საბავშვო ბაღის აღსაზრდელს covid-19 აღმოაჩნდა. დაწესებულება დაიხურა, 54 აღსაზრდელი და 11 თანამშრომელი თვითიზოლაციაში გადავიდნენ.
21.10.2020 - დაახლოებით ორდღიანი ლოდინის შემდეგ, კორონავირუსით ინფიცირებული 64 წლის ქალი სასწრაფო სამედიცინო დახმარების ჯგუფმა კოვიდკლინიკაში გადაიყვანა.
21.10.2020 - ყველა ვისაც კი სოფელ ტატანისში ვესაუბრე 60 წელს ზემოთ იყო. თითოეული მათგანი განსხვავებული ამბებითა და ისტორიებით "SK ამბების" სტუმრები არიან.
21.10.2020 - დღეს, 21 ოქტომბერს სამცხე-ჯავახეთში კორონავირუსით ინფიცირების 18 ახალი შემთხვევა დაფიქსირდა. მათგან 14 ახალციხეში, 2 ასპინძაში, 1 ადიგენსა და 1 ბორჯომში.
21.10.2020 - ახალციხეში კორონავირუსით ინფიცირებული 64 წლის ქალი, რომელიც დიალეზზეა, მეორე დღეა კლინიკაში გადაყვანას ითხოვს. ოჯახის წევრები აცხადებენ, რომ ასპინძიდან გამოძახებულმა სასწრაფოს მანქანამ ინფიცირებული სახლიდან წაიყვანა, თუმცა მალევე უკან დააბრუნა.
21.10.2020 - კორონავირუსით გარდაცვლილი 30 წლამდე ქალი ნინოწმინდის მუნიციპალიტეტის სოფელ დილიფიდან არის, იგი თბილისის ზღვის ჰოსპიტალში 19 ოქტომბერს გარდაიცვალა.
21.10.2020 - დღეს, 21 ოქტომბერს საქართველოს მასშტაბით „ევროპული საქართველო“ აქციას მართავს. საქართველოს სხვადასხვა ქალაქებიდან თბილისის მიმართულებით, მანქანები სიგნალებით და ტრანსფარანტებით „დაუპიპინე ბიძინას“ 12:00 საათზე წავიდნენ.
21.10.2020 - ცესკოს დადგენილების მიხედვით, საარჩევნო უბნებში სპეცჯგუფების მიერ დაცული უნდა იქნეს სანიტარიულ-ჰიგიენური მოთხოვნები. თუ დამკვირვებელი/საარჩევნო სუბიექტის/პრესის წარმომადგენელი კენჭისყრის დღეს დატოვებს საარჩევნო უბანს ან გადასატანი საარჩევნო ყუთით ხმის მიცემის პროცესს, იგი განმეორებით აღნიშნულ შენობაში/გადასატანი საარჩევნო ყუთით ხმის მიცემის პროცესზე არ დაიშვება.
21.10.2020 - ცესკომ სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების არჩევნებში მონაწილეობისთვის დადგენილება გამოსცა. მათი ინფორმაციით, თითოეულ მუნიციპალიტეტში არანაკლებ ერთი საარჩევნო უბანი გაიხსნება და იზოლაციაში მყოფი პირებისთვის სპეციალური ჯგუფი იმუშავებს.
21.10.2020 - მთავრობის ადმინისტრაციის უფროსი, ნათია მეზვრიშვილი ამბობს, რომ საზოგადოებაში გავრცელებული ინფორმაცია, რომლის მიხედვითაც, ქვეყანაში საწოლების არასაკმარისი რაოდენობაა, ინფიცირებული ადამიანები კი ექიმებისგან კონსულტაციებს ვერ იღებენ, ტყუილია.
21.10.2020 - დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ბოლო 24 საათში კორონავირუსით გარდაცვლილ 14 პაციენტს შორის, ერთი 30 წლამდე მოქალაქეა.