30.03.2020 - 30 მარტის მონაცემებით, მსოფლიოს მასშტაბით ვირუსი 159 415 –მა ადამიანმა დაამარცხა. გარდაცვლილების რაოდენობა კი 36 432–ია. ამ დროისთვის ყვველაზე მეტი, 151 944 შემთხვევა ამერიკის შეერთებულ შტატებშია დაფიქსირებული.
30.03.2020 - stopcov.ge-ის ინფორმაციით, საქართველოში კორონავირუსით ინფიცირების შემთხვევათა რაოდენობა 103-მდე გაიზარდა. გამოჯანმრთელებულია 20 ადამიანი.
30.03.2020 - საზოგადოებრივი ჯანდაცვის ცენტრის ინფორმაციით, სამცხე–ჯავახეთის ექვს მუნიციპალიტეტში, თვითიზოლაციაში 517 პირი იმყოფება. ექვს საკარანტინო ზონაში მოთავსებული პირების რაოდენობა კი 462 –ს შეადგენს.
30.03.2020 - იუსტიციის მინისტრის, თეა წულუკიანის განცხადებით, სასჯელაღსრულების დაწესებულება კორონავირუსთან ბრძოლაში ახალ ფაზაში გადადის, აქედან გამომდინარე, პენიტენციალური სამსახურის 780 თანმშრომელი კვირების განმავლობაში საპატიმრო დაწესებულებში იცხოვრებს.
30.03.2020 - ინფრასტრუქტურის მინისტრის, მაია ცქიტიშვილის თქმით, ქვეყანაში სურსათით, მედიკამენტებითა და სხვა პროდუქტებით მომარაგებასთან დაკავშირებით შეფერხებას არ უნდა ველოდეთ.
30.03.2020 - გიორგი გახარიას განცხადებით, აკრძალულია 70 წელს ზემოთ მოქალაქეების სახლიდან გასვლა. დასაშვებია მხოლოდ იმ შემთხვევაში, თუ ისინი მიდიან სასურსათო მაღაზიაში, აფთიაქში ან სამედიცინო დაწესებულებაში.
30.03.2020 - საქართველოში კორონავირუსით ინფიცირებული 100 პაციენტიდან ერთი–ერთი სამედიცინო სექტორის წარმომადგენელია. ამის შესახებ დღეს გამართულ საგანგებო ბრიფინგზე პრემიერ–მინისტრმა განაცხადა.
30.03.2020 - გიორგი გახარიას განცხადებით, საქართველოში შეიქმნება ცხელი ხაზი, 144–ზე დარეკვის შემთხვევაში მოქალაქეებს საგანგებო მდგომარეობასთან დაკავშირებით დასმულ კითხვებზე უპასუხებენ.
30.03.2020 - საქართველოში კორონავირუსით ინფიცირების შემთხვევათა რაოდენობა 100-მდე გაიზარდა. ამის შესახებ ინფორმაცია stopcov.ge-ზეა გამოქვეყნებული. კარანტინის რეჟიმშია 4 978 ადამიანი, ხოლო სტაციონარში მეთვალყურეობის ქვეშ - 266 პირი.
30.03.2020 - საქართველოში საყოველთაო კარანტინი ხვალ, 31 მარტს, 08:00 საათიდან გამოცხადდება. პრემიერ–მინისტრის, გიორგი გახარიას განცხადებით, საღამოს 9-დან დილის 6 საათამდე კომენდანტის საათი წესდება.
30.03.2020 - ბაზარში ან მარკეტში შეძენილი ხილ-ბოსტნეულის დამუშავების შესახებ რეკომენდაციები, კორონავირუსის გავრცელებამდეც და მას შედეგაც, ერთნაირია. ძირითადი წესი გამოყენებამდე მათი სწორად გარეცხვაა. მიუხედავად იმისა, რომ კორონავირუსის სურსათით გავრცელების ფაქტი არ ფიქსირდება, სპეციალისტები სანიტარული ნორმების დაცვისკენ მოგვიწოდებენ.
30.03.2020 - Վրաստանի կառավարության որոշմամբ և <<Լիբերթի բանկի>> հետ ակտիվ համագործակցությամբ, երկրում կորոնավիրուսի տարածումը կանխարգելման նպատակով, առանց բացառության, ցանկացած տարիքի թոշակառուներին ապրիլ ամսվա կենսաթոշակները նախօրոք կփոխանցեն,- համապատասխան գումարը կառավարությունն արդեն հատկացրել է բյուջեից:
30.03.2020 - სამცხე–ჯავახეთის მხარის რწმუნებულის, ბესიკ ამირანაშვილის თქმით, დღეიდან, 30 მარტიდან ახალციხის ბაზარს პოლიციისა და ადგილობრივი თვითმმართველობის ერთობლივი ჯგუფები მკაცრად გააკონტროლებენ. უსაფრთხოების მიზნით, დაცული იქნება დისტანცია მყიდველებსა და გამყიდველებს შორის.
30.03.2020 - პოლიციამ საგანგებო მდგომარეობის რეჟიმის დარღვევის 131 ფაქტი გამოავლინა, სამართალდამცველებმა საჯარო სივრცეში 10-ზე მეტი პირის შეკრების გამო, 104 მოქალაქე დააჯარიმა, ეკონომიკურ საქმიანობასთან დაკავშირებული შეზღუდვების დარღვევის გამო, სანქციები დაეკისრა 13 ფიზიკური და 6 იურიდიულ პირს.
30.03.2020 - ბოლო მონაცემებით, რუსეთში კორონავირუსის 270 ახალი შემთხვევა დადასტურდა. გარდაცვლილია რვა პაციენტი, ხოლო 69 გამოჯანმრთელდა – ინფორმაციას ქვეყნის ჯანდაცვის სამინისტრო ავრცელებს.
30.03.2020 - პირველი საუნივერსიტეტი კლინიკაში, სადაც 17 ინფიცირებული პაციენტი წევს, რამდენიმეს მდგომარეობა მძიმეა, ამის შესახებ დაწესებულების დირექტორმა, ლევან რატიანმა განაცხადა. მისივე თქმით, კლინიკაში იმყოფებიან ახალშობილები და ორსულებიც.
30.03.2020 - 30 მარტის მონაცემებით, თურქეთში კორონავირუსის 9 217 შემთხვევაა დადასტურებული. გასული დღე–ღამის განმავლობაში 1 815 პირი დაინფიცირდა.
30.03.2020 - საქართველოში კორონავირუსით ინფიცირებული პაციენტების რაოდენობა 98–მდე გაიზარდა. გამოჯანმთელებულია 18 ადამიანი. კარანტინის რეჟიმში 4 978 პირი იმყოფება, სტაციონარში მეთვალყურეობის ქვეშ კი 266.
30.03.2020 - 30 მარტის დილის მონაცემებით, სომხეთში ახალი კორონავირუსით ინფიცირების 424 დადასტურებული შემთხვევა ფიქსირდება, აქედან სამი გარდაიცვალა, 30 გამოჯამრთელდა, 391 ადამიანი კი მკურნალობას აგრძელებს.
30.03.2020 - ინფექციური საავადმყოფოს სამედიცინო დირექტორის, მარინა ეზუგბაიას თქმით, კორონავირუსით ინფიცირებული 97 პაციენტიდან ექვსის მდგომარეობა მძიმეა.