06.08.2020 - ახალციხეში, ასპინძის ქუჩაზე საცხოვრებელი სახლების წინ არსებული ტერიტორიის ნაწილი მაშინ ჩაინგრა, როცა მასზე სატვირთო ავტომანქანა გაჩერდა. წყლით სავსე ორმო ამ დრომდე შესაკეთებელია.
06.08.2020 - ახალციხეში, საბარგო სადგურზე მცხოვრებ აზერბაიჯანის მოქალაქეს, კუთვნილი BMW-ს მარკის ავტომობილი დაუზიანეს. დამსხვრეულია წინა და უკანა საქარე მინები. საქმეზე გამოძიება მიმდინარეობს.
05.08.2020 - ბორჯომში, ავარიის დროს დაშავებული მგზავრები ბორჯომის კლინიკიდან გაეწერნენ. რაც შეეხება 35 წლის ქალს მისი მდგომარეობა კვლავ მძიმეა.
05.08.2020 - ახალციხეში, სოფელ მუგარეთთან მდინარეში 14 წლის ბავშვი დაიხრჩო. საგანგებო სიტუაციების მართვის სამსახურმა ბავშვის ცხედარი სოფელ ჩითახევთან იპოვა.
04.08.2020 - მოქალაქეებსა და ბაზრის ადმინისტრაციას შორის დაწყებული დავა სავალი გზის მონაკვეთზე, ახალციხის რაიონულ სასამართლში გრძელდება. მხარეების შეთანხმების მიზნით, სასამართლო პროცესი 19 აგვისტომდე გადაიდო.
04.08.2020 - დაბა ასპინძაში, ერეკლე მეორის ძეგლთან, მოზარდს, რომელიც ველოსიპედით გადაადგილდებოდა „მიცუბიშის“ მარკის მსუბუქი ავტომანქანა დაეჯახა. დაშვებული კატასტროფით თბილისში გადაჰყავთ.
04.08.2020 - დღეს, 4 აგვისტოს ახალციხეში რამდენიმე ქუჩაზე ელექტროენერგია გაითიშა. „ენერგო-პრო ჯორჯიაში“ აცხადებენ, რომ გათიშვა ქსელში ახალი აბონენტების ჩართვამ გამოიწვია.
04.08.2020 - მოსამართელე გოჩა ჯეირანაშვილი ახალციხის რაიონულ სასამართლოში თავმჯდომარედ 17 ივლისს დაინიშნა. მან ამ თანამდებობაზე ანაიდა ოგანესიანი ჩაანაცვლა.
02.08.2020 - ახალციხეში, რუსთაველის ქუჩაზე გზის სარეაბილიტაციო სამუშაოებისას ასფალტის გარკვეული ფენის დაგების შემდეგ, საკანალიზაციო ჭიდან წყალი ამოვიდა. რის გამოც, დაგებული ფენა აყარეს და მის ადგილზე წყლით სავსე ორმო დარჩა.
01.08.2020 - ადიგენში, სოფელ უტყისუბანში სახელმწიფოს კუთვნილი მიწის ნაკვეთის თაღლითურად დაუფლების ფაქტზე, მოსამართლის განჩინების საფუძველზე, პროკურატურამ ლ.პ დააკავა და ბრალდება წარუდგინა.
01.08.2020 - ახალციხის სამგზავრო მიკროავტობუსისა და სადისტრიბუციო მანქანის შეჯახების შედეგად დაშავებული მგზავრებს დაჟეჟილობები და მოტეხილობები აღენიშნებათ. განსაკუთრებით რთულია ერთი მათგანის მდგომარეობა.
01.08.2020 - დღეს, 1-ელ აგვისტოს, ახალციხის ავტოსადგურზე მიკროავტობუსების მძღოლები ერთმანეთს ფიზიკურად დაუპირისპირდნენ. ადგილზე სასწრაფო-სამაშველო სამსახურის ჯგუფი და სამართალდამცველები იმყოფებიან.
01.08.2020 - ადიგენის სოფელ ვარხანში მეხის ჩამოვარდნის შედეგად, ხანძარი გაჩნდა და თივით სავსე სათავსო დაიწვა. ადგილზე სამი სახანძრო ეკიპაჟი მუშაობდა.
01.08.2020 - ახალქალაქის სოფელ ხოსპიოსთან გზის მშენებლობაზე დასაქმებული სატვირთო მანქანის მძღოლი, დენის დარტყმის შედეგად, ადგილზე გარდაიცვლა. შემთხვევა იმ დროს მოხდა, როცა მძღოლმა თვითმცლელიდან ტვირთის დასაცლელად მისაბმელი მაღლა ასწია და იგი მაღალი ძაბვის ხაზს შეეხო.
01.08.2020 - ახალციხეში, თამარაშვილის ქუჩაზე მომხდარ ცემის ფაქტზე დაკავებულ ოთხ პირს აღკვეთის ღონისძიებად გირაო, სხვადასხვა ოდენობით შეეფარდა. მათ შორის, ერთს 15 000 ლარი, მეორეს - 7 000 ლარი, დანარჩენ ორს კი, 12 000- 12 000 ლარი. ისინი პატიმრობაში გირაოს გადახდამდე დარჩებიან.
01.08.2020 - ბორჯომში, ლიკანის დასახლებასთან ახალციხის სამგზავრო მიკროავტობუსი და დისტრიბუციის მანქანა ერთმანეთს შეეჯახნენ. დაშავებული რვა მგზავრი ბორჯომის საავადმყოფოშია გადაყვანილი.
31.07.2020 - ასპინძაში, სოფელ იდუმალასთან, "მიცუბიშის" მარკის მანქანა გზის სავალი ნაწილიდან გადავიდა და ამოტრიალდა. შემთხვევის შედეგად დაშავებულები ახალციხის რეფერალურ ჰოსპიტალში შეიყვანეს.
30.07.2020 - ახალციხეში, თამარაშვილის ქუჩაზე, ჯგუფური ძალადობის ფაქტზე, შინაგან საქმეთა სამინისტროს თანამშრომლებმა ოთხი პირი დააკავეს.
30.07.2020 - დღეს, 30 ივლისს, ახალციხეში კოსტავას ქუჩაზე, ქვეითთა გადასასვლელთან "მერსედესის" მარკის მანქანა შუახნის კაცს დაეჯახა. დაშავებული კლინიკაშია გადაყვანილი.
29.07.2020 - ადიგენის საზოგადოებრივი ცენტრის თანამშრომელი, ბექა გოგრიჭიანი დღეს, 29 ივლისს გარდაიცვალა, მას თავში ცეცხლსასროლი იარაღით მძიმე დაზიანება ჰქონდა მიყენებული.